Love ☆ Life ☆ Music

 今次再練習做呢款曲奇, 最難就係用調左溫嘅朱古力去做揮春底色 ,  仲有揮春上嘅吉與福字 , 雖然今次都唔係做得太好,  但比第一次做 , 總算掌握到少少 , 有一點進步 .... 哈哈

多謝我先生送嘅玫瑰 , 一見到就好鍾意呢隻肯亞黎嘅品種 ,  其實覺得好浪費錢 , 但又好想情人節收到花, 真係矛盾 ..哈哈

 上一次都做過呢款曲奇 , 呢個松鼠模真係好可愛 , 用黎送比至愛就最適合 ,  所以今年都繼續 , 不過今次多左唔同嘅表情。

       新一年祝願所有人新年快樂 , 身體健康 , 好鍾呢個設計 , 真係花左好多氣力完成 ,  吉字揮春都係用調溫朱古力做 , 不過做得唔滿意 , 希望下一次做得好啲 ,  松鼠都係度祝大家大吉大利 .... 哈哈

Kathy 想學做瑞士卷 , 所以教了他做蛋糕嘅步驟 , 不過我都好少做呢款蛋糕 ,  因為覺得好難卷得實 , 不過呢次還可以 。

 送比我先生嘅生日蛋糕  , 朱古力海綿蛋糕夾心有三層 ， 有軟心朱古力脆脆、橙皮、碎杏仁 ，呢幾樣材料幾夾 ， 可惜軟心朱古力差少少軟度 ，下次要留意一下。

遲來嘅生日蛋糕 ，同 Kathy 一齊做 ， 嘻嘻哈哈咁就玩左半日 … 開心 

最近淘到好可愛嘅龍貓推住車仔嘅花盆 ，植物係自己砌上， 好似樹形嘅清香木 ，形態幾靚，仲有驅蚊作用  (不過唔知點解都係有隻蚊仔飛左出黎 ..哈哈) , 配埋龍貓卡通擺件更得意。

之前係花店買左呢個玻璃球盆景 ，不過養左一段時間花草開始想凋謝 ， 所以試下自己設計一下 ，整呢個咁細小嘅玻璃球對於我呢個入門真係有難度 ， 第一次做用左一個半小時完成 ，整得都幾辛苦 ，但完成後自己都幾滿意。 不過呢張圖係之後改良過, 因為幫襯開嘅花店老闆睇過後覺得石春路太少, 海佔太多位置 , 所以改良一下, 真係好似比之前好 。