由布拉格坐小型貨車到莫札特家鄉奧地利 - 薩爾斯堡 , 坐左差不多六小時係車裡 , 車裡不止我地二人 , 其間仲載左其他旅客 , 中途仲換過一次司機 , 呢一種體驗真係唔想再有下一次 ...... (T-T) , 我地到下午六時左右 , 終於都到左薩爾斯堡 , 果日都係微微雨 , 我諗氣溫只得 13 至 14 度左右 , 真係好彩早有預備 , 帶左件比較厚嘅外套 , 真係估唔到暑假都可以咁凍 。 ▼ 呢 5 小時多嘅車程真辛苦 ..... 悶 , 又無得走動 , 以後都唔想再坐 ▼ 終於到左酒店 , 呢間酒店係小經營 , 好簡陋 ▼ 一放低行李就去左莫札特第二故居 , 可惜裡面唔可以拍照 ▼ 遠處最高的就是薩爾斯堡城堡 , 是必遊景點。 ▼ 經過莫札特屋企 ▼ 呢間係食奧地利菜嘅餐廳 .... 好餓啊 ▼ 裡面嘅水晶燈裝飾好靚 ▼ 窗外仲有河景 , 真舒服 ▼ 我點左鱒魚 , 真的好好食 , 味道唔濃 , 加左檸檬汁更好味 , 薯仔好滑 , 真係好回味 ^>^ ▼ Kathy 點左牛扒 , 都好有水準 , 有機會一定再黎呢間餐廳 ▼ 晚飯後我地係有名的格特萊第街逛逛 ▼ 人山人海嘅主教府邸廣場 , 有軍隊進入 , 不過唔知係咩儀式 , 不過呢度太凍 , 溫度只有 13 度左右 , 仲加埋落雨 , 我地睇左一陣就離開 ...