Love ☆ Life ☆ Music

雖然過左聖誕 , 不過 Minion  實在太可愛 , 所以好想用佢黎做裝飾 !!  

 第一次試影小朋友, 真係覺得好難 , 如果同小朋友未熟落 ,  好難逗到佢笑 , 不過都幸好影到幾張得意表情。

呢個蛋糕送比我嘅老師 - Miss Cheng , 多謝佢嘅教導 , 知道佢鍾意食綠茶蛋糕 , 所以就做左綠茶海綿蛋糕 , 朱古力脆脆夾心 , 希望佢鍾意啦。

      外國真係特別有聖誕氣氛 , 真係希望可以有機會去到外國過聖誕節 ,  不過我太怕凍, 所以想實現應該有難度 ...哈哈 , 也祝所有人都 🎄 MERRY CHRISTMAS 🎄 !!!!! ☞ 歐美十大聖誕氣氛最濃的城市    資料來源 : Yahoo 奇摩 旅遊

朱古力海綿蛋糕 , 朱古力脆脆加蜜棧橙皮做夾心 , 用 70% 朱古力做面層軟心 , 裝飾用左調溫白朱古力 , 好鍾意三色糖粒, 好有聖誕氣氛。 ▼ 最鍾意包裝得靚靚送比朋友。

上一年都係做雙色曲奇, 因為覺得幾靚所以今年想再做 ,  昨日買到新嘅聖誕模 , 所以有新做形 , 我最鍾意士的 , 覺得好有聖誕氣氛。 ▼ 送左曲奇比個小朋友 , 見到人地收得開心 , 自己都送得好開心 ..哈哈

之前教左好友做蛋糕 , 今日再教佢做曲奇, 其實大部份都係佢自己做的,  除左做聖誕模 , 仲有手袋、裙、嬰兒車..... 都做得不錯啊 !!    

好朋友想學做蛋糕 , 所以今日示範左一個基本嘅原味海綿蛋糕 ,  塗忌廉 , 加蜜桃 , 就完成 , 再加上可愛嘅聖誕老人裝飾糖霜 ,真係好有聖誕氣氛。

第一次玩雙鋼琴 , 莫札特 - D大調雙鋼琴奏鳴曲 K448 ,  之前睇日劇交響情人夢 ,  一聽就好鐘意 , 終於有機會可以搵到一個鍾意呢首曲嘅朋友一齊夾 ,  雖然兩人一齊夾一定有難度 , 但真係幾好玩。 ☞  Mozart - Sonata for Two Pianos in D major, K. 448, Movement 1    

多謝好朋友送呢個得意嘅音樂比我 , 開住音樂時, 船仔會轉動 , 好得意。

   原來黑森林蛋糕最早出現於南部黑森林地區 , 相傳每當櫻桃豐收時 , 農婦將過盛嘅櫻桃做成果醬, 做蛋糕時將一粒粒櫻桃夾係蛋糕層裡 , 或放係蛋糕面做裝飾 , 打奶油時會加入大量櫻桃汁 , 又會加櫻桃酒係蛋糕麵糊裡 , 呢種以櫻桃為主嘅蛋糕就係從黑森林傳出外地, 所以我地先有機會可嚐到黑森林蛋糕。

用車厘子啫厘做夾心 , 加少許櫻桃酒 , 生果裝飾 ,  再加最重要嘅朱古力碎片 , 呢次好鍾意蛋糕做型 , 好有森林嘅感覺 ..哈哈  

          綠茶海綿蛋糕今次幾滿意個綠茶嘅甘味, 係忌廉裡加左栗子粒 , 原本面層想做軟心白朱古力加杏仁碎, 應該成份不對 , 所以唔成功 , 最後唯有用黑朱古力去代替 , 朱古力真係一樣好難控制嘅甜點 , 令人又愛又恨 。

實在太好聽 , 蕭邦大部份作品我都好鍾意 , 旋律太優美 ,  尤其呢首 , 咁高難度嘅樂曲 , 我諗學鋼琴嘅一定想挑戰一下。   ☞   Evgeny Kissin - Chopin Ballade no.1

朱古力海綿蛋糕 ,朱古力脆脆加蜜棧橙皮做夾心 , 用 70% 朱古力做面層軟心 ,  今次都幾鍾意呢個裝飾 , 第一次試用金箔 , 有啲難控制 , 不過最終都做成預期嘅樣子 ,  不過朱古力海綿蛋糕做得唔太穩定 , 但食落質感都可以 。

第一次聽呢首曲都係由 《 交響情人夢》 - 特別篇裡聽過 ,  呢首樂曲個旋律令人有深刻印象 , 最鍾意第一個樂章 , 真係好好聽 。 ☞   Itzhak Perlman - Tchaikovsky Violin Concerto

朋友今年剛大學畢業 , 所以想為佢影一輯畢業相留念, 今次練習比較留意對焦 ,  都比上一次有一點嘅進步 , 自己比較鍾意呢幾張 , 希望主角都滿意啦。

幾日前去烘焙店見到脆皮朱古力, 所以試做呢個小蛋糕 , 用左原味海綿蛋糕 ,  再用朱古力脆皮淋面, 裝飾用左朱古力扇 (買的) , 仲用左少少蜜棧橙皮 ,橙皮同朱古力 真係好夾 , 其實個朱古力面偏甜 , 但個蛋糕唔係太甜 , 所以整體味道都可以 。

十年一次嘅廈村太平清醮 , 好熱鬧 , 因為呢個清醮 , 所以有齋盆菜食 , 味道不錯。

第二次做綠茶海綿蛋糕 , 比第一次做得好, 因為次前做得比較乾身 ,  今次改良後軟軟 , 而脆脆都比之前幾次做得好 , 不會硬硬的,  但綠茶味唔係好夠, 但整體都比自己合格啦!!!

剛執好我啲亂放嘅食譜 , 整齊就會有心機攞佢地出黎睇 ... ^-^

今次用另一隻蒟蒻粉再試做, 雖然不夠通透 , 但食落好有質感 ...Like