Love ☆ Life ☆ Music

之前係花店買左呢個玻璃球盆景 ，不過養左一段時間花草開始想凋謝 ， 所以試下自己設計一下 ，整呢個咁細小嘅玻璃球對於我呢個入門真係有難度 ， 第一次做用左一個半小時完成 ，整得都幾辛苦 ，但完成後自己都幾滿意。 不過呢張圖係之後改良過, 因為幫襯開嘅花店老闆睇過後覺得石春路太少, 海佔太多位置 , 所以改良一下, 真係好似比之前好 。

     二十一歲韓國人 Seong-Jin Cho （趙成珍）第十七屆蕭邦國際鋼琴大賽冠軍 ，好鍾意 Piano Concerto in E minor Op. 11 嘅演譯 ，充滿感情 , 精準控制 ，揮灑自如，不做作 , 與樂團混為一體 , 實在令人聽得投入 ，除左得到首獎外 ，亦得到波蘭舞曲最佳演奏獎 ，我都好鍾意佢演譯馬祖卡舞曲 ，尤其 Mazurka in D major, Op. 33 No. 2 ，跳動嘅音符，生動活潑，初賽時第一首彈奏 Nocturnes in C minior, Op.48 No.1 , 都好好聽 ，每一首曲都演譂得好到位，將來都會留意住呢位韓國鋼琴新星…期待   ☞   Seong-Jin Cho – Piano Concerto in E minor Op. 11 (Prize-winners' Concert) ☞  Seong-Jin Cho – Piano Concerto in E minor Op. 11 (final stage of the Chopin Competition 2015) ☞    Seong-Jin Cho – Polonaise in A flat major Op. 53 (second stage) ☞     Seong-Jin Cho – Mazurka in G sharp minor Op. 33 No. 1 (third stage) ☞    Seong-Jin Cho – Mazurka in D major Op. 33 No. 2 (third stage) ☞    Seong-Jin Cho – Chopin Piano Competition 2015 (preliminary round) ☞    Seong-Jin Cho interview (趙成珍訪問) 相片來源

▼ 福岡的標誌 - 福岡塔 ▼ 長崎佐世保市 - 日落的豪斯登堡 ▼ 十月上旬在福岡塔附近拍到的 , 開始轉色嘅楓葉都好靚 ▼ 好幸運係日本第一次見到紅葉 , 雖然只係見到少量, 但都好開心

      呢個湯細個時係街成日都飲到 ，覺得好好味 ，不過而家真係飲唔到以前嘅味道 ，所以想自己試下做 ，原來唔係想像中咁難 ，材料有薯仔、煙肉、洋蔥、西芹 、蜆 ，不過蜆係我媽幫我做左預備功夫 ，所以先咁順利 ，第一次煮湯 ，所以照食譜做 ，用左現成清雞湯，不過覺得現成清雞湯太味精 ，下次煮都係唔用會比較好 ，一般煮呢個湯都會用忌廉 ，不過照網上食譜用全脂奶 ，味道都不錯。

第一眼巳好鍾意 ， 真係忍唔到手就買左。

送給媽媽的花花蛋糕 ，係網上學點用牛油忌廉擠花 ， 看似以為好容易 ，點知用左半日時間先擠到幾朵 ， 雖然唔係做得好好 ，不過睇起黎應該都似係花嘅 。。。。哈哈

翻糖公仔我真係怕怕 ，做一隻公仔太繁複 ， 材料好難控制 ，不過好鍾意簡單嘅香蕉做形 …可愛

刻意外邊做出唔齊整 ， 紋路唔夠明顯 ，不過睇落都唔太差啊!!

今次重點係個士多啤梨果醬 ，我都係第一次煮果醬 ，用左大約25－30分鐘左右就煮好， 唔係想像中咁難 ，酸酸嘅果醬 ，加上甜甜地嘅 butter cream ，味道真係好好。

試用唔同擠咀 , 呢個係15mm 嘅圓咀 , 雖然佢個樣唔係咁討好 ,  不過我鍾意食落去厚厚嘅 butter cream 嘅感覺 , 加朱古力脆脆更好味 ..哈哈

朱古力蛋糕比較受歡迎 ，不過我自己都好鍾意食，所以今次呢個全部用朱古力做 ， butter cream 加左70％ 朱古力，面頭朱古力脆脆做裝飾。 今次估計錯誤 ，個朱古力 cream 甜左少少 ，其他人試食覺得唔太甜 ， 不過我依自己嘅口味 , 下次做都係減少少糖會好味點 。。。哈哈

呢個 butter cream 嘅顏色係無意中調到出黎 ，仲係我好鍾意淺粉紅色 。。哈哈 ， 不過原來玫瑰係好難擠得靚 ，第一次試擠都知道一定做得唔好 ，要多練習練習 。

    上網學左個新口味 - cookies & cream Oreo cupcake, 剛試食, 今次比之前嘅朱古力蛋糕做得好, 其實我做嘅cupcake 唔係平常做嘅杯子蛋糕材料 , 我只係用朱古力海綿蛋糕 , 比較健康一點 , 質感都唔錯, 比較濕潤 。         呢個 cookies & cream Oreo 口味係網上 Jemma cupcake 學的, 當然無跟足佢嘅材料去做, 要改良一下, 因為原食譜實在用得太多糖, 改良左個 cream 我覺得好好食, 而蛋糕裡放左一粒 Oreo 係裡面一齊焗 , 食落去好得意 , 裝飾我用左 Mini Oreo , 今次自己都做得好滿意 ....滿足。

呢套碟終於可以用到 ，用黎放 cupcake 真係好襯 。

      呢盒 cupcake 做黎送比新識的朋友試試 ，今次都係用軟心黑朱古力脆脆做裝飾 ，加左 Lego 機械人，做出黎效果真係幾得意 ，12 個裝 cupcake 盒好靚 ，送比人真係不錯。

       琴晚做多左 Lego 軟心脆脆朱古力 , 所以再試做 cupcake , 今次將蛋糕改良左少少, 之前做可能甜度唔夠, 所以出唔到朱古力嘅香味, 試下加多少少糖, 估唔到可以帶出多左朱古力嘅香 而 不太甜 , 不過麵糊份量唔夠多, 所以焗出黎都係唔係太高。呢個牛油忌廉係日嚐甜品 3 食譜裡搵到, 個 butter cream 真係好好味, 甜度剛好又滑 , 不過呢個 cream 真係不宜多食, 不過我都忍唔住食左幾杯....哈哈

     第一次做 cupcake，個蛋糕份量未控制好 ，所以蛋糕唔夠高身， 個 butter cream 真係不錯 , 一直都好怕用好多牛油做嘅甜品 ，不過食落真係幾好味 。 好鍾意個 Lego 朱古力 , 用左 軟心脆脆黑朱古力 , 用黎做裝飾真係幾精緻。

                           親戚 Order 8 寸蛋糕 , 随我做咩款嘅蛋糕都得...哈哈 , 就做左呢個簡單嘅鮮果海綿蛋糕 , 用左芒果、桃、奇異果做裝飾 , 做出黎都分唔到邊啲係芒果邊啲係桃...haha

今次呢個紅莓曲奇係做比我表姐試試 ，希望佢鍾意。

好耐都無整蛋糕 ，唔知係咪生疏 ，今次忌廉塗得唔靚 ，  呢個蛋糕係補送比我阿姨嘅生日蛋糕 ，不過味道應該可以。

離開福岡時，在飛機上好幸運可以影到 將近日落時嘅相片 ，散出黎嘅光真係好靚。

之前到福岡與熊本旅行, 一心想睇櫻花  ,     好幸運可以見到櫻花之美 , 如果滿開一定更美。 ▼    熊本城係日本三大名城之一 ▼ 呢棵滿開的櫻花特別美 ▼ 呢幾朵帶粉紅的櫻花係大分縣湯布院溫泉旅館內拍的 ▼` 福岡舞鶴公園內拍的, 一串串鮮粉紅的櫻花盛放中

        好可愛嘅松鼠曲奇 , 加上蘑菇更有森林嘅感覺...哈哈 (自己想像) , 不過呢個曲奇真係好花力氣 , 我畫畫係好差, 所以我覺得最難就係用朱古力畫眼睛同咀 , 胭脂係用左士多碑梨朱古力 , 步驟真係多 , 但見到完成品都值得嘅。

新一年祝願大家身體健康 、 笑口常開  、萬事如意。

  同事 Order 簡單造型嘅曲奇送比幾個小朋友 ,  所以做左幾款造型 , 用左新買嘅刀叉造型曲奇好易折斷 , 不過好得意 。