第三日, 日本時間 9 點左右到酒店附近食早餐 , 之後開車到萬座沙灘 , 車程大約 2小時 , 去到見到個沙灘 "嘩 " 一聲, 果日好好太陽 , 藍天白雲, 一望無際嘅大海, 連我唔係太鍾意海嘅人都覺得風景一流 , 不過好可惜 , 原本想去必到嘅萬座毛 , 可能睇錯地圖 , 點知搵唔到 , 如果下次再到沖繩一定唔可以錯過。 之後到沙灘附近 萬座沙灘全日空渡假酒店 食自助午餐 , 再到酒店旁 Aqualuce Chapel 嘅小教堂 , 真係好靚 , 之後再到恩納海濱公園游水 , 4 點左右就到附近買左啲小食, 然後再回程返酒店附近晚飯。 ▼ 老公同姐夫去買早餐, 我地就等食...哈哈 ▼ 呢間西式早餐真係唔錯, 係日本飲到一杯比較合心意嘅 咖啡唔係咁易, 不過呢間唔錯. 三文治用料 又 新鮮 ▼ 出發 囉。。。第一站萬座沙灘 ▼ 第一眼見到真係有"嘩" 嘅感覺, 藍天白雲, 加上舒服嘅海風 ▼ 咁靚嘅沙灘竟然咁少人...奇怪 ▼ 美景當前 , 個個都攞住相機影啊影 ▼ 呢張相家姐同姐夫做左相中主角 ，覺得影得唔錯 .... 好似張 postcard ....,hahaaaa ▼ Yo ...... 第一次影呢啲咁有活力嘅動作 ▼ 沿途又有另一間教堂 ▼ 到附近午餐 - 萬座沙灘全日空渡假酒店 ▼ 好驚喜酒店旁見到呢間教堂 - Aqualuce Chapel , 因為之前電視介紹過 ,巳覺得好靚, 估唔到可以到親身睇到 ▼ 好天氣襯托下, 顯得教堂特別美 ▼ 要家姐做 model , 係教堂後面影張相, 效果唔錯...哈哈 ▼ 教堂被大海圍繞住 , 望出去嘅白雲好有振撼感 ▼ 教堂附近有個公園...