Love ☆ Life ☆ Music

多謝 Kathy 去克羅地亞度蜜月買比我嘅手信 , 係果度好出名 用人手做 , 不過可惜途中整爛左少少。

     呢一次個朱古力海綿蛋糕算係最成功 , 想起第一次去學做蛋糕就係學黑森林 , 不過上堂並學唔到野, 因為佢地加左乳化劑 , 所以去學果時都一定成功 , 但 homemade 嘅目的就係唔想食咁多化學野, 做出自己想要嘅味道 , 之前有成年時間都無做過朱古力蛋糕 , 不過最近又開始想再試做 , 睇下書再改良下 , 終於做到鬆軟嘅朱古力海綿蛋糕 , 所以真係好開心 , 今次蛋糕裡面加左黑加侖子啫喱 、軟心朱古力脆脆 , 希望啱我 brother 嘅口味 ..... ^^

3年前係奧地利唔同嘅地方買的, 一直都唔捨得用 ,  都好後悔點解唔買多啲 , 希望有機會可以再去。 施華洛世奇嘅水晶 , 閃閃令真係好鍾意  

 多謝同事去維也納旅行幫我帶莫札特朱古力返黎, 之前去過 奧地利買過黎食, 好回味 , 其實朱古力唔係真係講到咁好味,  而家想起果時去旅行開心嘅味道。

 始終對郎朗嘅演奏情有獨鍾 , 呢個版本令我聽完想再聽 。   ☞ Lang Lang - Mendelssohn Piano Trio No.1 (Part 1)   ☞ Lang Lang - Mendelssohn Piano Trio No.1 (Part 2)   ☞ Lang Lang - Mendelssohn Piano Trio No 1 (Part 3)    ☞ Lang Lang - Mendelssohn Piano Trio No 1 (Part 4)

多謝 Kathy 係福岡帶比我嘅手信,  巴黎鐵塔書夾 , 仲有餐枱布我好鍾意 ^-^  

教 Kathy 做呢個咖啡雪芳蛋糕 , 希望下一次佢自己做都可以成功做到。

最近買左個人像鏡頭, 所以想練習下, 第一次試影人像 , 雖然有好多不足 ,  亦有啲無從入手嘅感覺 , 構圖與對焦都唔係好得, 真係有排學。