到第五天嘅行程 , 食完早餐又到國際通買下手信, 其實呢條手信街都幾長, 一次係行唔完 , 每次都有新發現 , 之後出發到玉泉洞 , 再到魚市場 , 不過去到好多店都收左工 ... 無奈 , 再到最開心嘅 Shopping 時間 , 特別到Outlet 買野最開心。 第六天下午就要返香港 , 仲有半天時間逛 , 好開心係小店買到又平又靚嘅星沙貝殼嘅紀念品 , 仲有一見到就鍾意嘅紫水晶 , 手掌一半大左右 , 都唔洗一百蚊 ,買完野就要還車到機場食午餐 , 估唔到機場嘅餐廳都幾有水準 , 六天嘅沖繩之旅留下好好嘅印象 , 果然係日本嘅馬爾代夫 , 六天都好好天氣, 其實真係好幸運 , 呢度嘅人都好純樸 , 好友善 , 有機會一定會再去。 ▼ 玉泉洞入口 ▼ 玉泉洞 , 裡面濕淋淋 , 感覺一點都唔舒服 ▼ 叫老公停一邊比我影相...哈哈 ▼ 到魚市場巳黃昏 ▼ 好多店都收工 , 選擇唔多 ▼ 可愛嘅日本妹妹 , 好可惜對唔到焦 ▼ 有得玩老公特別開心 ▼ 魚生必食 .....新鮮 ▼ 天婦羅很一般 ▼ 第一次行日本 Outlet ...估唔到地方咁大咁舒適 ▼ 第六天早餐後嘅甜品 ▼ 終於影到單軌電車 ▼ 呢間店又有收穫 ▼ 出發到機場附近還車 ▼ 機場裡嘅餐廳 ...好食 ▼ bye bye la ... ... Okinawa