Love ☆ Life ☆ Music

聖誕節應下節, 不過今次有點失手,牛油忌廉唔夠鬆軟 , 因最近練習得太少 , 生疏 ....  ^_^

送比學生嘅龍貓盆景 ，指定要有街燈同石春路 …哈哈 ，真係考我 ， 小山景加上綠油油嘅草皮真係好靚。

10cm 大嘅玻璃球放左愛絲 , 彩虹草種子 , 第一次試種 , 估唔到真係得,  大約有20粒種子 , 大約12日(圖3)左右開始長大, 每日都睇住佢長高, 覺得好奇妙 ,  直到 31天巳生長滿水珠, 真係好靚 (圖5)。

   同四歲半嘅姨娚一齊整 cupcake , 佢好興奮可以參與 ,  所以做左一隻佢地特別鍾意嘅紫色 ,  整好仲話要即刻食。  

黑森林蛋糕巳做過好多次 , 不過第一次做巴黎鐵塔朱古力裝飾 ,  蛋糕刻意做得好隨意嘅感覺 , 自己都滿意  ..... 哈哈 ,

多肉植物實在難養 , 之前每次買多肉植物都唔過一個月就會死 , 唔知點淋水先係正確 , 問過好多人都係煩惱點淋水 , 不過最近花店老闆教我植物最好係大乾大濕 , 咁我就一於試下,  好似效果幾好 , 不過多肉植物太多種類 , 未必所有都係同一樣 ，不過冬夏季係多肉植物休眠期 ，夏天不可暴曬，春秋係生長最佳時間 ，所以都要慢慢學 。

好開心可以出咁多水珠 , 水珠係表示植物健康 , 所以要特寫佢最靚嘅一刻。

想拍下孔雀毛 (食蟲植物) 有水珠嘅一刻 , 雖然唔係影得好好,  但幾鍾意孔雀毛水珠散發出嘅光影。

今次再試做呢個原味杯子蛋糕 , 不過今次譜號比上次好好多 ...哈哈 ,  第一次用呢個擠咀做個 cream , 估唔到又幾靚 , 睇起黎好似一朵康乃馨。

            太耐無整過 cupcake , 所以出錯左係個 butter cream 度 , 忘記要用全脂鮮奶 , 用左高鈣低脂鮮奶 , 雖然味道無咩差別, 但食起黎無咁軟 , 而朱古力裝飾應該係一個比較抽象嘅高音譜號 ..哈哈 , 加上感覺幾高貴嘅珍珠糖 ,  自己都幾鍾意個裝飾。

愛絲捕蟲堇 (Pinguicula esseriana) , 係太陽下 見 到好似 發光 ,    呢種捕 蟲 植物真係好靚 , 如果夠陽光仲會變粉紅色 。

之前玻璃球裡嘅植物開始唔係咁靚 , 所以加左新葉 ,  之前個景覺得有啲單調 , 所以加左最適合做盆景嘅龍貓  , 真係好得意  

    係一個11cm 長左右嘅龍貓小木頭花盆 , 做左一個小小嘅河景,  左邊放左比較粗生嘅網紋葉 , 咁細小嘅花盆 , 最適合放係書枱前。

☞   The Making of a Steinway - A Steinway & Sons Factory Tour Narrated by John Steinway 相片來源

每日見到呢啲小盆景 , 心情都好啲 , 都好享受打理嘅過程 ,  其實養草只要每日都噴下水就得 , 仲有微微嘅光線就可以。

  2011 年7月份 嘅旅行, 而家先 寫到第八日 ...... 哈哈哈 ,   第八日嘅行程好悠閒 , 我同 Kathy 行左上聖史提芬大教堂睇風景,  仲去左霍夫堡嘅樂器博物館, 莫札特像,仲去左 莫札特 故居 ▼ 去旅行寄明信片比自己同朋友留念 ▼ 郵局好有特色 ▼ 石鐘之家一到整點就會報時, 一到1點就有一個,到兩點就有兩個歷史人物  的人偶出來報 時, 到12點就會有12個一起出現, 可惜我地睇唔到   ▼ 經過商店 , 可能太早所以街上人唔多 ▼ 每次行過 史提芬大教堂 (Stephansdom) 外面嘅馬車 , 都會急急腳 ...因為真係幾臭   ▼ 史提芬大教堂 (Stephansdom) 外面影相留念 ▼ 我地選擇左行樓梯上去睇全景 , 行到我暈呀 ▼ 咁辛苦行到上黎, 風景都唔錯 ▼   原來有成 343 級樓梯先上到黎 , 67M 高 , 唔掛得咁辛苦 ▼ 我地去緊 莫札特故居 ▼ 入到去都係咩都唔可以影, 唯有影下故居嘅走廊 , 裡面都好大,  有莫札特用黎作曲嘅鋼琴 、創作嘅樂譜 、畫像之類 ▼ 離開莫札特故居去食下野 , 不過呢個包真係最難食嘅包, 魚實在太酸 ▼ 估唔到係呢間店都有收穫    ▼ 又維修  ▼ 參觀 霍夫堡 (Hofburg) ▼ 呢度就係好出名嘅霍夫堡 (Hofburg) , 有多個博物館選擇 ▼ 我地最有興趣就係參觀樂器博物館 ▼ 都係第一次見到黑白琴鍵調轉嘅琴 ▼ 梗係要試下彈啦 ▼ 裡面嘅樂器實在太多 ▼ 呢部鋼琴手工好精細 ...