最鍾意嘅聖誕節就到 , 又係時侯配置聖誕場景 , 其實上一年巳砌過迴旋木馬 ( 10235 ) , 不過買左個摩打但唔識安裝, 所以搵左個朋友幫手 , 改用電推動木馬 , 終於趕得到聖誕前完成 , 仲幫我加左燈, 令我嘅聖誕小村更有氣氛 ...感動 。 左邊係2011年推出 - winter post office ( 10222 ) , 我開始留意 Lego 產品係 2014 年左右 , 所以錯過左好多以往嘅產品 , 估唔到6年後仲買到, 當然價錢比推出時貴。 另外用左 Santa's Workshop ( 10245 ) - 聖誕老人鹿車, 仲有聖誕老人助手 , 戴綠色帽嘅小助手好得意 , 而右邊係 Creator 3 in 1 ( 31036 ) , 用黎襯托一下。