雖然算係做到，但係之後再做都好反覆,有好多細節嘅嘢都要留意，食譜嘅份量，打蛋白狀態，拌麵糊手法，麵糊嘅程度，焗爐嘅溫度，仲有好重要嘅天氣嘅濕度，做錯一個步驟可致失敗。 所以將自己留意到嘅記事📖一下 ✏️留意濕度： ✏️ 過篩杏仁粉唔好用力壓, 做出黎嘅馬卡龍好易餅面出油而脆弱和下 ✏️室溫蛋白 ,亦試過用雪過嘅蛋再用暖水坐暖 , 風乾時間比較長(在冷氣房) , 用左1小時間15分鐘。 ✏️蛋白打至微挺可加入膏狀色素， 蛋白打至硬性發泡（想打硬要小心好容易打過龍😅），打至蛋白霜呈尖而短嘅狀態，蛋白有清楚嘅紋路 (大約打3分鐘左右)。 ✏️分2次加入已過篩的杏仁粉和糖霜，拌麵糊手勢，用切拌法，不要搞拌，拌勻無見粉狀後，非常温柔嘅力沿邊推壓幾下再刮回中心，不時留意麵糊狀態，如刮起麵糊流下很慢代表太濃稠，如流得太快即拌過度，刮起要慢慢流下似柔軟嘅絲帶狀。 ✏️焗馬卡龍時最好放一個底盤烘焗，如直接用底盤容易會烤上淺啡色嘅顏色, 用唔同焗盆烘焗用嘅溫度同時間都唔一樣...(比較傷腦筋) ✏️在冷氣房風乾大約 1小時10分鐘左右 (室溫濕度50%與冷氣房風乾時間相約) ▼ 做左第12次終於做到外脆內軟 ▼食用色素做馬卡龍必備 ▼慢慢流下似柔軟嘅絲帶狀 ▼流得太快即拌過度 材料： 大約24片（12個） 室溫蛋白 40 g（預備2隻蛋） 幼砂糖 36g ———————————— 純糖霜 52g 特幼杏仁粉52g (過篩後份量) 色素1-2滴