Love ☆ Life ☆ Music

聖誕節應下節, 不過今次有點失手,牛油忌廉唔夠鬆軟 , 因最近練習得太少 , 生疏 ....  ^_^

送比學生嘅龍貓盆景 ，指定要有街燈同石春路 …哈哈 ，真係考我 ， 小山景加上綠油油嘅草皮真係好靚。

10cm 大嘅玻璃球放左愛絲 , 彩虹草種子 , 第一次試種 , 估唔到真係得,  大約有20粒種子 , 大約12日(圖3)左右開始長大, 每日都睇住佢長高, 覺得好奇妙 ,  直到 31天巳生長滿水珠, 真係好靚 (圖5)。

   同四歲半嘅姨娚一齊整 cupcake , 佢好興奮可以參與 ,  所以做左一隻佢地特別鍾意嘅紫色 ,  整好仲話要即刻食。  

黑森林蛋糕巳做過好多次 , 不過第一次做巴黎鐵塔朱古力裝飾 ,  蛋糕刻意做得好隨意嘅感覺 , 自己都滿意  ..... 哈哈 ,

多肉植物實在難養 , 之前每次買多肉植物都唔過一個月就會死 , 唔知點淋水先係正確 , 問過好多人都係煩惱點淋水 , 不過最近花店老闆教我植物最好係大乾大濕 , 咁我就一於試下,  好似效果幾好 , 不過多肉植物太多種類 , 未必所有都係同一樣 ，不過冬夏季係多肉植物休眠期 ，夏天不可暴曬，春秋係生長最佳時間 ，所以都要慢慢學 。

好開心可以出咁多水珠 , 水珠係表示植物健康 , 所以要特寫佢最靚嘅一刻。

想拍下孔雀毛 (食蟲植物) 有水珠嘅一刻 , 雖然唔係影得好好,  但幾鍾意孔雀毛水珠散發出嘅光影。

今次再試做呢個原味杯子蛋糕 , 不過今次譜號比上次好好多 ...哈哈 ,  第一次用呢個擠咀做個 cream , 估唔到又幾靚 , 睇起黎好似一朵康乃馨。